جوال نوكيا الجديد 6220 بكاميرا 5 ميجابكسل وسعر زهيد جدا!
2009/03/26
استعراض سريع لجهاز جوال نوكيا 6220 Nokia 6220 Classic
الوزن : 90 جرام
الشاشة : 16 مليون لون بمقاس 240 × 320 بكسل (2.2 انش)
نظام ملاحة : مدمج Class 32, 107 / 64.2 kbps
نظام التشغيل : سمبيان 9.3
الكاميرا : 5 ميجابكسل مع فلاش زينون م وجود كاميرا أمامية
الذاكرة : MicroSD مما يتيح لك شراء وتركيب ذاكرة تصل [...]
مو كأنه غالي ؟ اعتقد نزل سعره الحين لانه صارله فتره نازل فالسوق
ما ادري متى نزل لكن بصراحه جهاز بهالمواصفات وهالسعر اعتبره معقول جدا
شوف هذا الجوال LG-GD900 رهيب
اليوم بعت جوالي القديم واشتريت 6220 ….. فيه كل ما احتاج لكن خامة الجهاز سيئة! بلاستيك رديء
هههههههههههههه dns يعني شريته وتورطت تبي تورطنا معك ؟!
لا والله شريته بعد ما كتبت الموضوع هههههههههه
انا ورطت نفسي بنفسي
لا الصراحه الى الان ما اكتشفت الجهاز وقلبت فيه بخليه في الشاحن الان وبكره ان شاء الله استقعد له
انشاءالله يكون خير عليك
وانا اقووول غريبه جايب نوكيا
الحين مو تقول سوني اريكسون افضل
عليك بالعافيه واذا جيت تستقعد له طمنا عليه
انا عن نفسي مليت الجوالات
ونفسي اذا شريت اخذ لي شي معاد افكر اغيره
يعني مايهم شكله ولاستايله
اهم شي استخدامه يعني اقصد يكون جهاز منظم
لذلك صرت افكر بالكمبيوترات الكفيه عشان ارتاح من الجوالات ومن اللابتوبات
<< احس مافيه شي بيصلح لي
ههههههههههههه
,وافتح فيه الماسنجر ، فيه كاميرا ممتازه ، فيه قارمن ، وبنفس الوقت جوال ، يعني 4 × 1
ملعقه وش فيك احس انك مأيسه !!
على العموم انا استخدم جوال ان 95
الصراحه مكفيني اتصفح فيه جميع المواقع الي ابيها والزبده اهم شي
انا اكثر شي يتعبني بالجوالات
الرسايل
ما افضى ارتبها وتسوي لي زحمه
وادارتها مو سهله ومتعبه
وتضيع الرسايل المهمه مع الي مالها داعي
خخخخخخخخخخخخ
بس هذا الي متعبك
الدعوه بسيطه جدن جدن
تسوين حافظات في الرسايل وتسمينها على الي تبين
واي رساله تجيك علطول خيارات > نقل الى الحافظه الي تبين
وكذا انتهت السالفه
وانا احس ان فيكي عرق سوداني ليه ما ادري
بعدين الله اكبر رسايل مهمه اكثر مايجينا رسايل الاعلانات الي ترفع الضغط
سلملم
يا ااااااااااااااااااااا
يعني يقال لك جبت الحل
انا مسويه حافظات وجوالي نوكيا E60
بس انا اتكلم جد يعني تصفح الرسايل مررررررره متعب وادارتها محدوده
وعندي رسااايل جدا تهمني مدري وش بسوي اذا ضاعت
ما ادري وش فكره نوكيا بي سي سويت في تزامن الرسائل وادارتها
كل ماحاولت اشبك مايضبط حتى النسخ الاحتياطي مايضبط
كلش مايضبط
انا نفسي افضي الجوال بس ابي نسخ من الرسايل لو على الكمبيوتر او احتى اقدر
استعيدها بعدين
لانو عندي مشكله بالجهاز واخاف مع الوقت يطير كل شي
فيه رساله تظهر لما افتح الاستديو او استقبل بلوتوث المهم انه على المميموري كارد تقول: خطأ في القرص اعد المحاوله والا بتفقد البيانات
واسوي اعاده اعاده ليييييين تتم العمليه واذا سويت انهاء يوقف النقل او الفتح
سويت فورمات للكرت ونفس المشكله
مو احسن ارمي الجوال واراتاح
انا ماعندي رسائل مهمة ولكن اللي انقهرت عليه المواعيد اللي في التقويم مع اني حاولت اسويلها مزامنة مع قوقل سينك لكن ما قدرت
نوكيا 6220 فيه خيارات حلوة ولكن عيبها انها كثيرة جدا جدا لدرجة اني انسى من وين وكيف اروح للاعداد اللي ابيه
اكرر واؤكد ان سوني اركسون استخدامه اسهل بكثير من نوكيا من ناحية توزيع القوائم الداخلية او حتى في اسلوب الضغط والانتقال من ازرار الجوال
الصوت في 6220 مكتوم وسيئ جدا
الكاميرا رغم انها 5 ميجابكسل الا انها لا تصل للمستوى المتوقع في الجودة
اليوم الصبح بغيت امسك الجوال واحذفه على الجدار .. قهرني المنبه اذا اشتغل ما يطفيه الا زر واحد بس (Silence) بعكس السوني اركسون اضغط اي زر ويوقف المنبه ويتحول الى غفوة ، نفس الكلام يطبق على الاتصالات الواردة
لكن فيه حركة رائعة هنا اذا جاك اتصال وضغطت Silence طبعا توقف نغمة الاتصال ، ويتحول زر Silence الى زر Send message اذا ضغط عليه مره ثانيه راح يفتح لك رسالة جاهزة مكتوب فيها Sorry, i will call you later وضغطة ثالثة تقوم بارسال هذه الرسالة الى الرقم المتصل اللي مارديت عليه
نظام حفظ الملفات الواردة بالبلوتوث غبي جدا وبدائي ، وش دخل البلوتوث في صندوق الرسائل الواردة ؟
ولازم اضغط حفظ لكل ملف !
في السوني اركسون اي ملف استقبله على طول يروح للمجلد الخاص فيه ، الصوت في الصوت والفيديو في الفيديو والصور في الصور واي شي اخر غير معروف او غير مدعوم يروح لمجلد اسمه Other
هذا ريفيو بسيط وسريع للجوال بعد الاستخدام
النوكيا معروف من يوم نزل الـ6600 الباندا او الجسمي
اي مسج بالبلوتوث يوصل ف الصندوق الوارد وبعدين انته تحفظها وين ماتبي ..
ومن ذاك الوقت ولحد الحين اي نوكيا نظام S60 يكون على هذي الطريقه
وبخصوص الرساله الجاهزه هاي بعد من فتره متوفره في جميع هواتف نوكيا وتقدر تغيرها بدخولك للضبط وبعدين ضبط الرسائل وبتحصلها هناك مكتوبه وغيرها للي تريده
النوكيا كثير منه تحصل صيني ومادري شو .. واللي خامته مو شي كنه مصنوع من كرتون
انا عندي نوكيا E66 والكفر اللي فوق الشاشه ( البلاستيك الشفاف ) مافيه مسافه بينه وبين الشاشه
يعني يوم تضغط بأصبعك على الكفر تحس الشاشه بتنكسر
وانا مرتين انكسرت الشاشه علي والسبب مافي مسافه بين الكفر والشاشه
وبعد نوكيا كل يوم ينزل سعره .. اليوم تشتري تلفون بـ 500 .. بعد اسبوع تلاقيه 450
واكثر شي يقهرني .. يوم ينزل تلفون لكن بلونين .. الاسود مثلا بـ 900 والابيض يقولك بـ 950 …!! طيب ليش .. يقول راعي المحل لانه ابيض
ونص تلفونات نوكيا الكاميرا موشي .. تعبانه وتحس انها مو نفس الدقه اللي مكتوبه على الكرتونه
صارلي سنين استخدم نوكيا ولحد الحين استخدمه واستخدمت سوني اريكسون
نفس سوني اريكسون مافي
(مو احسن ارمي الجوال واراتاح)
اتوقع انه احسن حل
dns حلوه المعلومات لكن واكثر شي ضحكت عليه سالفة المنبه !!
وانا قلتلك من اول انك تورطت فيه
انواع التحطيييييم
حلوه مميزاته بس أحس شكلوو مآش أنا من الناس اللى يهمها الشكل مع المميزات
لازم يكون في ايدي جوال فخم ولا بلاش
نوكيا برغم إنها شركه كبيرهـ الا اني مليت منها أحس لابد من التغير
لي شهرين خذيت جوال سامسونج SGH-F480 رائع بمعنى الكلمه بس عيبه الوحيد مافيه وآيرلس ومايدعم الريل بلير
بس أستخدامه مرتب ومميزاته بطله
والله من يوم الاربعاء اللي راح وانا اكذب على نفسي واقول لا والله الجهاز حلو لكن يبيلك تتعود عليه واصبر نفسي لكن اليوم قفلت من جد
ابشركم بعته وافتكيت منه الحمد لله ورجعت للسوني اركسون اخذت لي G900 كاميرا 5 ميجابكسل و واي فاي وشاشة لمس …… كتبت عنه من زمان هنا الموضوع
http://www.alzbdh.com/mobile/sony-ericssone-g900-soon.html
نوكيا
صدقت والله مافيه مثل سوني اركسون بس انت ليه مسمي نفسك نوكيا هههههههه
ملاحظاتك صحيحة 100% وانصحك انت بعد تبيع جهازك وتحول سوني اركسون
مستر فرن
لا الحمد لله اليوم والله بعته وشريت سوني اركسون يعني الحين المنبه مضبوط 100% وبكره بقوم بدري وبداوم بدري ان شاء الله
يسعد لي هالخشة
ايلانوووه
ما عمري جربت السامسونج لكن ان شاء الله لازم نجربه
شكرا للمشاركه
خبرنا عنه ؟ نشتريه ولا
ننتظر تجربتك للجوال ومواصفاته
الـ G900 روعة وأنيق وعملي لكن فيه مشكلة واحده الى الآن واعتبرها مشكلة كبيرة جدا وهي بطء الاستجابة
ما ادري ليه احيان يكون ثقيل في التنقل وتظهر كلمة “Busy” في الشاشه لمدة ثانية او ثانيتين وهذا عيب كبير لانه من اهم مواصفات الجهاز الممتاز بنظري هو سرعة الاستجابة
والجهاز ما فيه برامج كبيرة او ثقيلة مثل اجهزة البوكيت يعني ما ادري ليه الثقل هذا؟
هل أنصح بشراءه؟
لا ، لانه يعتبر الان قديم نوعا ما واسعار الاجهزة حاليا في نزول واضح واعتقد ان فيه بدائل اخرى بنفس السعر بمواصفات اعلى
بصراحه ازمه هالجوالااااااااااات
{{{لكن فيه حركة رائعة هنا اذا جاك اتصال وضغطت Silenceطبعا توقف نغمة الاتصال ، ويتحول زر Silence الى زر Send message اذا ضغط عليه مره ثانيه راح يفتح لك رسالة جاهزة مكتوب فيها Sorry, i will call you later وضغطة ثالثة تقوم بارسال هذه الرسالة الى الرقم المتصل اللي مارديت عليه
نظام حفظ الملفات الواردة بالبلوتوث غبي جدا وبدائي ، وش دخل البلوتوث في صندوق الرسائل الواردة ؟
ولازم اضغط حفظ لكل ملف ! }}}
كذا اجهزه النوكيا من زمان مافي شي جديد
احيانا اقول مافي احسن من نوكيا حتى لو مافي جديد
واحيانا اقول الجديد افضل وبشوف غير النوكيا
نفسي بجوال ما اندم اني جربته !!
السوني اريكسون يقااال انه اذا طاح تنح هل هذا الكلام صحيح ؟؟
لان احسن مافي جوال انه يطيح يطيح ولا يحس << جامد وماعنده احساس